Производителите на сончоглед бараат дополнителна државна поддршка поради лошата сезона. Велат дека годинава родот е преполовен поради сушата и дека со актуелните цени нема да можат да ги покријат дури ни трошоците за производство.
Денеска остварија средба со раководството на фабриката „Благој Ѓорев“ во Велес, единствениот капацитет кој откупува и преработува сончоглед во Македонија. Тие годинава го откупуваат родот за 26 денари по килограм, што е за 5.5 денари повеќе од лани, но според земјоделците ни ова не е доволно, па затоа бараат поголеми субвенции.
„Значи катастрофа е сушата, сушата донесе до едно ниво да се премислиме дали да продолжиме да сееме за идната година. Доколку не ни помогне државата“, вели земјоделецот, Митат Исмаловски
„Неможеме трошковите да ги покриеме, бидејќи годинава беше катастрофална за производство на сончоглед, и не можеме да го извадиме сензусот, тон ипол по хектар, неможеме субвенции да земеме“, кажа Тоде Лазаревски, производител
