Задоцнета кислородна поддршка е главната причина за смртта на 14 месечното бебе утврдила стручната комисија на Министерството за здравство. Проблемот бил што во клиничката болница Козле немало соодветна апаратура за давање инвазивна и неинвазивна вентилација односно кислородна поддршка.Според наодот на комисијата, системска грешка имало и на Детската клиника каде лекарите направиле превид кога не го хоспитализирале детето. Министерот Таравари најави дека извештајот од комисијата ќе биде испратен до двете клиники и до Етичката комисија во Лекарската комора, со цел да се преземат соодветни мерки.
“Во системските утврдено е непостоење на препораки или алгоритми за тријажа на пациенти при прием и дека има потреба од континуирана обука за докторите на Детска клиника за срцеви болести. Во однос на техничките пропусти, во Козле е утврдено дека има потреба од апарат за респираторна поддршка и унапредување за организирање на транспортот од една до друга установа”, рече министерот за здравство Арбен Таравари.
Според докторите од стручната комисија,главниот проблем во случајот со бебето е недостатокот на медицинска опрема.
За случајот со 31-годишната родилка од Куманово која почина при породување во кумановската болница, стручната комисија не утврдила неправилности ниту при третманот на бременоста, ниту при породувањето.
Ања Лукарова
