Нема да ги заборавиме наставниците и нивното достоинство и ќе водиме сметка за нивната финансиска состојба најави денеска министерката за образование Весна Јаневска на честувањето на светскиот ден на учителот организиран од сојузот на просветни работници на Македонија.
,,Како влада и како министерство се повеќе и повеќе бараме и ќе бараме од наставниците, но јас како ресорен министер, а и владата нема да го заборавиме нашето ветување и ќе им го правиме животот подостоинствен, мотивот за работа поголем, што значи ќе водиме сметка и за нивната финансиска состојба,, изјави министерката за образование Јаневска.
По повод денот на учителите, годинава организиран во општина Гази баба, девет наставници добија признанија за исклучителни достигнувања за оваа учебна година.
,,Општина Гази Баба е домаќин на еден преубав настан заедно со сојузот на просветни работници на кој што ќе се доделат награди за учебната 2023/2024 година. Искрено јас сум благодарен на сите просветни работници и им ја одавам мојата почит пред се затоашто ја одбрале најблагородната од сите дејности; Да ги едуцираат и учат нашите млади генерации,,
Од Сојузот на просветни работници се задоволни што имаат соработка со министерството за образование и локалната самоуправа.
Даниел Ѓорѓевски
