Наредниот вторник, во Будимпешта ќе се потпише договорот за унгарскиот кредит во висина од 500милиони евра, рече министерката за финансии, Гордана Димитриеска-Кочоска. Кон средината на месецот, се очекува парите да легнат на буџетските сметки.
„ На 8 октомври заминувам и тој ден ќе се потпишува кредитот во Будимпешта. Очекувам до крајот на следната недела парите да легнат на буџетските сметки, мислам на девизните, па потоа да ги пренасочиме на денарската сметка„ изјави министерката за финансии Гордана Димитриевска-Кочоска.
Во врска со јавниот долг на државата, според проекциите до крајот на годината се очекува максималниот износ да изнесува 66%, .
„Во однос на намалување не верувам годинава дека ќе може да има намалување. Но, затоа работиме на промена на концептот, како ја гледаме иднината и како ќе ја развиваме економијата преку инвестиции, поголем економски раст. Секако дека полека ќе го консолидираме и јавниот долг„ изјави Димитриеска-Кочоска.
Во делот на поврат на ДДВ министерката рече, дека компаниите редовно го добиваат, а подолго чекаат само оние , кадешто одредени ситуации дополнително треба да се испитат. Кочоска, посочи дека во моментот се прават проверки, бидејќи од претходното раководство, во Управата за јавни приходи, има отворено налози во износ од повеќе од милјарда и четиристотини милиони денари. Кочоска, потенцираше дека во буџетот за наредната година, не се предвидени пари за ЕСМ.
Александра Ристевска
