Токсини од бактеријата стафилокока причина за масовното труење на 140 деца во ОУ „Ѓорѓија Пулевски“ во Скопје. Ова го потврдија резултатите од земените примероци од храната која им била послужена на учениците од прво до трето одделение и кои пред пет дена се пожалија на силни стомачни болки. Од Институтот за јавно здравје прецизираат дека траги од опасната бактерија биле најдени во бомбиците кои ги добиле дента како топол оброк и ужинка и кои во училиштето ги доставувала надворешна фирма.Кујната во школото и натаму е затворена.
По дојавата на наставниците дека има многу отсутни ученици се фрли сомнеж дека има масовно труење од храна во училиштњето.Тоа го потврдија и реакциите од родителите дека кај децата има дијареа, повраќање, стомачни болки а дел од нив имаа и температура.
Во училиштето итно имаше вонреден инспекциски надзор, а тим од Институтот за јавно здравје земаа брисеви од храната и работни простории.
