Под слоганот „Подај рака“, денеска на летната сцена „Лепеза“ во Градскиот парк во Скопје се одржи деветтиот по ред хуманитарен хепенинг за поддршка на лицата заболени од ретката болест Вилсон. Целта е подигнување на јавната свест за ретките болести, вклучувајќи ја и Вилсон, и поддршка на заболените, но и нивните семејства во справувањето со предизвиците со кои се соочуваат.
Организаторите на оваа манифестација, Здружението на граѓани за поддршка на лица со ретка болест – Вилсон, веќе девет години по ред на овој начин се трудат да едуцираат и информираат дека кога станува збор за оваа ретка болест, навременото откривање и редовната терапија се клучни.
Дете кое почина на 11 години од ретката болест Вилсон нѐ поттикна да го организираме овој хуманитарен хепенинг, вели Ања Босилкова-Антовска од Здружението „Вилсон Македонија“.
