Во првата половина од годинава граѓаните од Албанија и Косово водат во однос на другите земји од балканскиот регион по бројот на барања за азил до Европска Унија.
Во најновиот извештај на европската агенција за азил се наведува дека од јануари до јуни 3.778 државјани на Албанија поднеле барање за азил во земјите членки на ЕУ, додека од Косово бројката изнесува 3.375 барања.
Најголем број барања за азил на граѓани од Албанија се регистрирани во Италија, Грција и Франција. Според извештајот на ЕУ, граѓаните на Македонија поднеле 1.872 барања за азил, Србија 1.660, Босна и Херцеговина 750 и Црна Гора 182 барања.
Според новообјавениот извештај на Европската агенција за статистика – ЕВРОСТАТ, граѓаните од Албанија исто така добиле најголем број дозволи за престој во земјите на Еуво текот на 2023 година од балканскиот регион.
Според ЕВРОСТАТ, 74.938 граѓани од Албанија првпат добиле дозвола за престој во земја од ЕУво 2023 година, од нив околу 41.760 добиле дозволи од семејни причини, 13.144 од други неутврдени причини, а 2.450 за образование.
