Подзаборавениот ковид повторно почна да зема животи во Македонија. Во периодот од 9 до 15 септември четири луѓе починале по заболување од вирусот, двајца се од Скопје и по еден од Битола и од Тетово.
Сите се над 70 години и невакцинирани и тројца од нив починале во болнички услови.
Според најновиот извештај на институтот за јавно здравје во истиот период во земјата се регистрирани 57 нови случаи, што преставува намалување од 48,6% во споредба со претходната недела, а тестирани биле вкупно 285 материјали што е за 36,5% помалку во однос на минатата недела.
Заболените лица се регистрирани во општините на осум градови. Најголем број на случаи е забележан во Скопје, а највисока инциденца е регистрирана во Делчево.
