Македонското културно наследство и институции се во многу лоша и очајна состојба. Министерот за култура Зоран Љутков предупредува дека негрижата на поранешната власт на СДСМ и ДУИ оставила сериозни последици кои допрва треба да се санираат.
Една од институциите која е во многу лоша состојба е Националниот конзерваторски центар, најстарата матична стручна институција од областа на заштитата на културното наследство. Љутков вели дека низ годините таа е доведена до многу лоша состојба, и од кадровски и од технички аспект.
„Важно е да кажеме дека состојбата е многу лоша, но разговаравме и за изнаоѓање на решенија кои што периодот кој следи ќе мораме да ги донесеме, а тоа е да се обезбедат многу поголеми средства за работа и ќе мора да се донесат нови решенија за нови вработувања на стручен кадар кој е апсолутно потребен на оваа институција“, изјави Зоран Љутков министер за култура и туризам.
На средбата со веде директорката, Ангелина Поповска, и со вработените се запозна за тековните проекти, чија реализација не е почната делумно поради малкуте средства што се издвојувале, а во голем дел поради неажурноста на претходното раководство.
Министерот нформираше за дефицитот на стручен кадар, административни и помошно-технички лица, и нагласи дека Владата и Министерството многу сериозно гледаат на овој проблем и најави решенија.
„Разговаравме на сериозни проблеми за намалување на кадарот во непосредната заштита во една установа која што е најстара матична која секогаш од самиот зачеток екипирала најстручни експерти. Иако сме непреполовени, туку имаме само 1/3 од потребниот кадар за оваа инстиуција да ја оствари надлежноста на најзначајното наше културно наследство“, изјави Анѓелина Поповска директорка на Националниот конзерваторски центар.
Од 2025 вработените ќе се фокусираат на одредени проекти што ќе бидат затворени од прва до последна фаза. На тој начин министерот очекува дека ќе реализираат голем број проекти. Следната година ќе се доделат средства што ќе бидат доволно за да се финализира проектот за конзервација и реставрација на црквата „Успение на Пресвета Богородица“ во манастирскиот комплекс Матејче.
На средбата стана збор и за реставрација, санација и ревитализација на конакот во Лешочкиот манастир „Св. Атанасие“. Љутков се запозна и со релативно лошата состојба во која се наоѓа зградата, за што најави дека следната година ќе бидат издвоени средства за надминување на ваквите затекнати состојби со објектот. Ова беше една од неговите редовни работни посети на македонските културни објекти. Претходно ги посети Музејот на Македонија, Стариот амам“ во Тетово, како и Музејскиот комплекс во Охрид кои претходната власт исто така ги остави во многу лоша состојба.
Љубиша Владимиров
