3 до 4 илјади денари се потребни само за школски прибор за едно прваче. Во оваа сума не влегуваат новите обувки и облека кои по традиција се купуваат за првиот училиштен ден.
Цените се во постојан раст, па очекувано повисоки се и трошоците на школските реквизити. Во својот ранец едно прваче, како што не информираа дел од наставниците треба да има пет тетратки голем формат кои чинат од 70-80 денари, плус тетратки за почетно пишување кои чинат од 15 – 35 денари. Според проценка на дел од наставниците, дете во прво одделение троши најмалку 10 тетратки за почетно пишување во една школска година. Дополнително потребни се разни математички помагала како логички плочки, сметалки. Најмногу чини школскиот прибор кој што децата го користат за предметот ликовно.
Доколку сакате да купите на пример ранец кој што е брендиран со цртан лик чини околу 2000 денари или двојно повеќе од оној што не е, а истото важи за приборите, без цртан лик чини 290 денари, а брендираните чинат околу 480 денари.
Ранец : 1000 – 2000 денари
Тетратка голем формат: 70-80 денари
Тетратка за почетно пишување: 15-35 денари
Боички: 100 – 280 денари
Фломастери: 110-310 денари
Сет прибор: 290 – 480 денари
Граѓаните велат дека 1-ви септември значи повисоки трошоци во семејството, дел од нив сметаат дека стартот на школската година чини и до 10 илјади денари. Покрај за школскиот прибор се трошат и повеќе пари за нова облека и обувки.
За погорните одделенија сумата е поголема зашто треба поспецифичен прибор – линеари, агломери, шестари, атласи и слично.
Учебната година ќе стартува на 2-ри септември, а според најавите ќе може да се здивне од дополнителни трошоци за печатење скрипти. Дистрибуцијата на учебници до училиштата е веќе започната а според МОН, ќе биде завршена пред понеделник. Како што информираше министерката Јаневска учебници нема да има само за странски јазици каде законски неможе да се прекине тендерот.
