Квалитетна јавна администрација и изнаоѓање решенија за подобри услови и повисоки плати за работниците е главната заложба на Владата во насоки на реформи за јавниот сектор. Преку јавни дебати, Министерството за администрација ги изготвува новите законски решенија кои би требало да влезат во Собрание за околу 100 дена.
Синдикатите инсистираат дека освен департизација, за подобрување на состојбите во администрацијата мора да има и покачување на платите уште од септември
Во однос на покачувањето, Минчев очекува дијалог со синдикатот за да се најде прифатливо решение кое би станало дел од буџетот за наредната година оти во сегашниот наследената состојба била очајна.
Од економските ресори во владата, најавуваат дека ќе воспостават правична и фер пресметка за плати во согласност со колективните договори, а се најавува и дека ќе се чешла трошењето на сите буџетари.
Покрај покачувањата на платите во јавниот сектор, од синдикатот бараат покачување и на минималецот. Премиерот Мицкоски, вели дека тоа било регулирано со закон, а политиката на Владата била да има среќни работници. Мицкоски предупреди дека е подготвен да разговара за ова со сите синдикати, но нагласи дека во овој процес има место за оние кои навистина се борат за правата на работниците, а не со заткулисни политички мотиви.
