Дојран, Охрид, Струга и Преспа, речиси во сите туристички центри во земјава има небезбедна храна. Во хотелите, рестораните, времените – кетеринг објекти,месарниците и маркетите инспектори од Агенцијата за храна и ветеринарство за неколку дена најдоа 8, 7 тони расипана и небезбедна храна.
Од 112 објекти и ресторани, дури 54 заработија глоби. Инспекторите на осум ресторани им ставија клуч поради непочитување на стандардите за производство и продажба на храна. Пеколните температурари им отворија работа на инспекторите за храна кои само за неколку дена уништија тони расипана храна пронајдена во туристичките центри.
Глобите се високи и изнесуваат од 250 до 5000 евра. Операторите со храна се казнети порадинепочитување на хигиенски услови, продажба на храна со поминат рок на употреба, неимполементирање на Хасап системот, промет на храна без декларација и означување согласно Законот за безбедност на храна. Исто така голем број кафанџии работеле нерегистрирани и без одобрение од Агенцијата за храна и ветеринар. Како што информираат од Агенцијата, во услови на високи надворешни температури, акценттот на контолите бил ставен на условите на чување и складирање на производите и роковите на употребливост на храната.
Инспекторите на Агенцијата и натаму ќе вршат засилени контроли зза време на сезоната. и во другите туристички центри. Поради високите температури, на сила останува мерката за засилени контроли кај операторите со храна на целата територија на земјава.
