Како по казна. Граѓаните кои што го користат јавниот превоз, доживуваат невиден пекол во преполните градски автобуси, а надворешната температура на сонце ближи кон 50 степени. Ако ви се погоди автобус без клима, возењето наликува на престој во сауна.
Без клима секој се разладува како знае и умеем додека стигне до саканата дестинација.
Алфа направи обиколка да види каква е состојбата внатре во автобусите и забележавме дека во некои од нив климите не работат, па патниците ги отвориле сите прозорци за да може возењето колку толку им биде поподносливо.
Небзбедни, нефункционални и некомфорни. Вакви се дел од автобусите кои секојдневно им предизвикуваат проблеми на граѓаните, па мораат да истрпат, без оглед дали тргнале на работа или на лекар. Реакции имаше и на социјалните мрежи каде е објавено видео како возачот вози без клима, додека температурата внатре во автобусот е на неиздржливи 49 степени.
Граѓаните секојдневно се жалат на јавниот сообраќај во градот, но надлежните како да не се заинтерсрани за сопствените надлежности. Ги прашавме во град Скопје и Јавното сообраќајно претпријатие што планираат да направат во врска со решавање на проблемот со климите, како по обичај оттаму молк.
Љубиша Владимиров
