Тројца полицајци сред центар на Скопје во близина на полициска станица Беко, фатени се како земаат мито за да не напишат сообраќаен прекршок. Како што се гледа на видеото објавено од МВР, за да не го казнат несовесниот шофер, полицајците од станицата Беко го пратиле тој да им купи кеса полна со производи од локалната продавничка која се наоѓа во ист ред со станицата на улица Даме Груев. Одделот на МВР за внатрешна контрола им поднесе кривична пријава за до Обвинителството за примање поткуп.
Тие се сомничат дека на 04.07.2024 околу 23.00 часот на ул.„Даме Груев“ во Скопје, при вршење службени задачи побарале и примиле подарок за себе за да не извршат службено дејствие, односно да не констатираат сообраќаен прекршок и на тој начин го нарушиле угледот на Министерството за внатрешни работи, велат од МВР
Освен кривична, тројцата ќе се соочат и дисциплинска постапка, а додека трае постапката тие ќе бидат суспендирани од работа. Од МВР информираат дека Одделот за внатрешна контрола против нив ќе поднесе и предлог за поведување на постапка за кршење на работниот ред, а ќе изрече задолжителна мерка отстранување од работното место до завршување на дисциплинската постапка.
Засега МВР за настанот информира со иницијали на осомничените бидејќи како што велат ништо не смее да влијае врз истрагата, но потврдуваат дека се од полициска Беко.
