Помали сметки за струја, поголемо количество електрична енергија за државата. Новата Влада продолжува да работи во насока на подобрување на капацитетите на енергетскиот сектор. Со десет закони од областа на енергетиката кои што поминаа на пленарна седница во Собранието, новото Министерство за енергетика, рударство и минерални суроини, станува оперативно. Згасна Агенцијата за енергетика и управниот одбор, како и одборот на Агенцијата за задолжителни нафтени деривати. Вработените од двете агенции како и директорот на Агенцијата за задолжителни деривати одат под капата на новото министерство со кое ќе раководи министерката за енергетика Сања Божиновска. Законските решенија треба да донесат бенефит за граѓаните но и да овозможат поголема ефикасноста на енергетските потенцијали во Македонија, вели пратеникот Стојановски.
Со изгласаните закони кон новото Министерство преминуваат и сите останати надлежностите од областа на енергетиката, рударството и минералните суровини што досега беа во рамки на Министерството за економија.
Енергетиката, не е единствениот сектор во кој власта создава услови за поефикасно управување. Реформи има и во здравството каде уште во старт Владата донесе одлука за укинување на економските директори во Јавните здравствени установи. Со оваа мерка Владата информираше дека се стреми кон подобрување на ефикасноста во управувањето со здравствените установи, намалување на административните трошоци и насочување на средствата кон подобрување на здравствените услуги.
