Јасно кажување на македонските ставови е доказ дека новата власт во Македонија има многу поактивна и подобра надворешна политика за разлика од пасивноста на претходните владини состави предводени од Зоран Заев и Димитар Ковачевски. Премиерот Христијан Мицкоски во Вашингтон оствари голем број билатерални средби со високопрофилни политички фигури, а во една од своите пораки од Вашингтон кажа дека Македонија нема веќе да ја витка кичмата и дека треба да се гледа кон иднината. Поранешниот амбасадор Јован Донев за Алфа вели дека и претходно бил потребен ваков поцврст став од власта.
-Прво и основно правило е дека Македонија е суверена држава, без оглед што ние мислиме за Македонија. Значи можеме да мислиме и најлошо за Македонија, Македонија е суверна држава, независна држава и она по различни прашања ќе има и различни ставови од некои други земји членки на НАТО или на ЕУ. Ние не можеме да бараме да се сложат другите земји со нашите ставови, меѓутоа мора да ги респректираат, изјави Донев.
Според Донев понизноста која Македонија ја имала со претходната власт, дополнително ја отежнувала нашата преговарачка позиција.
-Оној момент кога ние ги презентираме нашите ставови и разговараме, многу им е полесно на нашите соговорници да не разберат и да знаат на која позиција сме ние. На тој начин полесно се преговара во иднина, ако вие само потврдувате и климате со главата вие создавате кај другата страна недоумици, ме разбирате затоа што никој нормален дипломат нема да ви прифати само да му климате со главата, одма почнува да се прашува дали сте вие сериозен соговорник, изјави Донев.
Според Донев, владиниот кабинет предводен од Мицкоски покажал дека Македонија јасно дава поддршка на политиките на НАТО.
-Важно е дека ја реафирмиравме политиката на Македонија во однос на членството наше во НАТО и поддршката на политките на НАТО, што е исклучително важно, заради потврда на она што нели и претходно го збореше додека беше во опозиција Мицкоски и неговите соработници, меѓутоа сега и од позиција на премиер, изјави Донев.
Според познавачите новата политика на надворешен план би требало да донесе бенефит за Македонија на политички, економски и безбедносен план.
Матеја Петровски
