Покрај зголемени пензии, Македонија добива и инвестиција од 450 милиони евра за ветропаркот што ќе снабдува над 100.000 семејества со електрична енергија и тоа во првата недела на новата влада. Пратеничката на ВМРО ДПМНЕ Марија Митева потврди дека оваа инвестиција ќе донесе 630 нови работни места и ќе го подигне БДП на државата за нови 100 милиони евра годишно.
Митева најавува и нови инвестиции во иднина во енергетскиот сектор, а со тоа граѓаните нема да плаќаат поскапа струја за 50 %.
Имено, не само за пензиите и помалите сметки за струја, владата на првата седница во петокот одлучи да му го укине факултетот за здравствени науки во Струга на градоначалникот Рамиз Мерко.
Решението му го потпишал поранешниот министер за образование од ДУИ, Јетон Шаќири, откако добиле согласност од владата на ДУИ и СДСМ и Одборот за акредитација на високото образование.
На новинарско рпашање дали укинувањето е оправдан чекор Митева вели дека потребно е да се стави ред во хаосот што постои и во образованието, но и во здравството како еден од најважните ресори. Според неа треба да се направат строги критериуми за тоа кој може, а кој не може да отвора катедри на фалултети. Исто така таа појаснува дека сите треба да се свесни дека нема да поминат низ иглени уши оние кои што како што вели, сакаат да ги злоупотребуваат законите.
