Пензионерите од септември добиваат линерано покачување во два наврати по 2500 денари односно, од март натаму пензиите трајно ќе им бидат зголемени за 5000 денари, порача пратеникот Бојан Стојановски откако вчера на владина седница беше усвоена оваа одлука. Тој вели дека тие никогаш повеќе нема да видат излажани со еднократна помош.
Ова што е направено за 5 дена, поранешната власт не го направи ниту за седум години, рече премиерот Христјан Мицкоски на средбата по повод одбележувањето на 103 години одсмртта на Ѓорче Петров. Тој пред жителите на општината Ѓорче Петров вети дека исполнувањата на ветеното во предизборието нема да застанат.
На средбата во Ѓорче Петров за првпат откако стана министер се обрати и министерот за одбрана Владо Мисајловски. Тој на пензионерите им честиташе за покачувањето на пензиите и напомена дека предизборната програма ќе биде целосно реализирана исто како што тоа е направено во првите пет дена за пензионерите.
Пензионерите со месеци протестираа и бараа од поранешната власт на СДСМ линеарно покачување на пензиите поради инфлацијата што им ги изеде и онака малите примања. Речиси цела година до пред изборите пензионерите нивниот бес го истураа по улиците во повеќе градови низ Македонија. Сега се задоволни.
Поранешната министерка за труд и социјална политика Јованка Тренчевска не се согласуваше со нивните ставови и се држеше до таканаречената, методологијата за усогласување на пензиите без линеарно покачување.
