Двојни аршини на ЗНМ. Едни новинари се напаѓаат за напишано „добро, зошто?“, други пак повикуваа на убиство, а реакција немаше. Првиот случај е новинарот на Алфа, Богдан Илиевски, кој објави кратко видео од интервју од друга телевизија, прашувајќи „добро, зошто?“. Вториот случај е Бранко Тричковски, кој преку објава на социјалните мрежи директно повика на убиство на Христијан Мицкоски. Но за разлика од случајот со Илиевски, таму немаше реакција од ЗНМ.
-Кил Миц. Можеби е најдобро Мицковски да се убие за секој случај: ако ги изневери вмроните, тоа ќе биде од корист за партијата, ако не ги изневери, тоа ќе биде од полза за Македонија!, напиша Тричковски.
Реакција немаше ниту кога Бранко Тричковски си направи приказна дека загинал пратеникот на ВМРО-ДПМНЕ Антонио Милошоски.
-Загинал Антонијо Милошоски!? На автопатот Скопје-Брисел, денеска се случи тешка сообраќајна несреќа во која животот го загуби Антонијо Милошоски. Пратеникот на Злото. Македонија е во шок. Телото на починатиот ќе биде изложено во Музејот на македонската борба против слободата. Починатиот ќе биде погребан во Алејата на говњарите на градските гробишта во Скопје. Пола во македонската земја што толку многу ја сакаше, а пола над земјата, како споменик на себе и на своето (не)дело, напиша Тричковски.
Во најголем дел од случаите ЗНМ брани едни исти новинари од едни исти медиуми. Во последниве години случаите во кои директно и само Алфа била одбранета може да се избројат на прсти.
Во одбрана на нашиот медиум ЗНМ застана кога екипата на Алфа беше попречувана да известува од Мечкин Камен во Крушево по повод прославата на Илинден, на втори август 2022-ра. Тогаш власта се правдаше дека сме немале акредитација за настанот, за по еден час објаснување сепак да не пуштат.
Во одбрана на Алфа застанаа и кога државниот правобранител реши да не одговара на новинарски прашања, бидејќи не знаел дали новинарот на Алфа е воопшто новинар.
-Станува збор за одговорот на испратените новинарски прашања по електронски пат во контекст на спорните закони за енергетика кои се во собраниска процедура, каде правобранителството во повратна комуникација кон новинарот поставува сомнеж дали истите се испратени од новинари или не, велат од ЗНМ.
Таков беше случајот и кога Фатмир Битиќи реши да избега бидејќи не му се допаѓаше прашање од нашиот медиум, а потоа и да го одбутне новинарот кој го постави тоа прашање.
Овие соопштенија на ЗНМ се изнудени по жестоки реакции од јавноста, но сепак во многу други ситуации кога новинари биле навредувани и напаѓани, а јавноста не реагирала гласно, реакциите од Здружението на новинари изостанале.
Матеја Петровски
