Осомничен кој лажел дека е вработен во Агенцијата за национална безбедност заврши во 30 дневен притвор откако се претставувал како посредник за долг и со уцени и закани успеал да рекетира 54 годишен управител на фирма. Тој му одзел одземе коли, станови и пари во кеш, во вредност од 180.000 евра. Обвинителството го сомничи за лажно претставување и измама.
Службеникот кој лажел дека е од АНБ за кого Обвинителството не открива ниту иницијали речиси три месеци му се заканувал на управителот за неговиот живот и животот на неговото семејство.
Според Обвинителство, осомничениот на овој начин во повеќе наврати од жртвата зел парични средства, три автомобили, два мобилни телфони, златни престени и друг накит.
„Во период од 14.12.2023 до 05.04.2024 година, пријавениот лажно се претставувал како службено лице – вработен во Агенцијата за национална безбедност и со сериозни закани присилил едно оштетено лице да му даде пари, накит, автомобили и други добра во вкупен износ од околу 180.000 евра“, велат од Jавно обвинителство.
Јавниот обвинител кој го води прдметот до судијата на претходна постапка од Основниот кривичен суд Скопје доставил предлог за определување мерка притвор за осомничениот во траење од 30 дена.
Обвинителство смета дека постојат околности кои укажуваат на опасност од бегство, да влијае врз сведоците, како и веројатност осомничениот да ги повтори делата. Судијата го прифатил предлогот и определи притвор во траење од 30 дена.
