Јавното Обвинителство нема да постапува по допрен глас за лажните вести за наводно нарачување лажни вести. Црната кампања која СДСМ ја започна против ВМРО-ДПМНЕ за обвинителите не е предмет на интерес.
Инструментот на допрен глас, како и до сега, се користи доколку органите надлежни за откривање на кривични дела не постапуваат согласно надлежностите. Самата политичка партија во конкретниот случај веќе најави дека има намера да бара правна заштита и преку механизмите за граѓанска одговорност за клевета, велат од Јавно обвинителство на Македонија
Од ВМРО-ДПМНЕ велат дека СДСМ со фалсификувани документи создава лажен скандал поради очајниот рејтинг што го има. Опозициската партија прашува дали во целата измислена афера е вмешан израелскиот пи ар стратег Асаф Исеин. Додаваат дека контроверзниот експерт е дел од група за пласирање лажни вести, црна кампања и за одлагање на избори или намалување на излезност, нешто за што пишувал и британски Гардијан.
„Во Велика Британија се опишани како тим кој нуди мешање во избори, работеле во над 30 држави ширум светот, а работат и за корпорации за уништување на конкуренти… СДС повеќе не може да бега од одговори. Особено откако Пендаровски призна дека лицето е ангажирано, а јавноста вчера беше жртва на црна кампања од СДС со злоупотреби на медиуми за пласирање на фалсификувани документи“ изјави Наум Стоилковски, портпарол на ВМРО-ДПМНЕ.
Од СДСМ пак велат дека мора да има одговорност за како што тврдат лажните анкети објавени на Националната телевизија МТВ а кои според нив се нарачани од штабот на ВМРО-ДПМНЕ. Тврдат дека била разотркирена целата шема и оперативен план на опозициската партија подговтвен од Републичкиот изборен штаб на опозициската партија.
Шема за пласирање лажни анкети за рејтинзите на партиите и за политичарите, а објавени на МТВ, за пласирање лажни вести, но и други активности. Во подрумите на Белата палата се договарале емисии за анализирање на анкети од ИПИС, се дефинирал составот на гостите на емисијата со 3 опозициски аналитичари дури имало и одговорен за ширење лажни вести преку т.н. „дувла“, велат од СДСМ.
Целата афера започна преку интернет портал кој објави наводни документи, а потоа СДСМ на прес конференција излезе со обвинување дека ВМРО-ДПМНЕ нарачува местени анкети кој се пласираат на државната телевизија.
Сепак, документите кои ги објави порталот а потоа и владејачката партија имаат низа недоследности – лажни имиња, згрешени презимиња, фалсификувани потписи, погрешни датуми. Во нив се наведува и дека во декември била одржана првата седница на Републичкиот изборен штаб на ВМРО-ДПМНЕ иако тој бил формиран во февруари.
Инаку обвинувањата од СДСМ ги демантираа и МТВ и Институтот ИПИС.
