На студентите и професорите од најголемиот факултет во државата им пукна филмот. Излегоа на протест пред владата, откако по повеќе од една деценија, факултетот за информатичко и компјутерско инжинерство, познат како ФИНКИ, се уште нема соодветни услови за оддржаување настава и нема простор каде да ги смести своите 5000 студенти.
На протестот порачаа дека веќе со години разговараат со владата за да се надмине овој проблем, но, на власта очигледно, образвонието не и е помеѓу приоритетите.
- „Ние бараме модерен објект кој што треба да има поголеми училници, бидејќи нашите студентски групи се поголеми. Бараме да има услови за компјутерски училници. Објект над 6 до 10 илјади метри квадратни би бил соодветен за факултетот.“ – Изјави деканот на ФИНКИ, Боро Јакимовски.
Новата зграда на ФИНКИ иако беше изградена во рамки на општествениот кампус на УКИМ, по промената на власта во 2017, објектот со години е оставен на забот на времето, во исчекување да ја изгуби градежаната дозвола.
- „Таа зграда ќе треба неколку години да се заврши, а втор факт е дека дозволата за градба истекува за помалку од една година. Потоа ќе имаме правен вакум за примопредавање и ставање во функција на таа зграда.“ – Додаде деканот Јакимовски.
Иницијално, ФИНКИ побара бирото за развој на образвоанието да се иссели од бараката во непосредна близина на факултетот, за тие да може да ја користат. Ова создаде меѓу-институцијална кавга, бидејќи од бирото велат, тие 40 години, домаќински се грижеле за бараката и не ја даваат.
- „Сѐ додека не се изгради објект според потребите и надлежностите на институцијата, согласно бројот на вработени и согласно услугите што ги пружа на повеќе од 23.000 наставници нема да дозволиме „селење во непознат правец“ без соодветни услови за работа“ – Соопштуваат БРО.
Во меѓувреме, проблемот паѓа врз грбот на студентите. Велат дека често стојат за време на предавањата и се чуствуваат дискриминирани што немаат основни услови за настава.
Деканот на ФИНКИ вели дека за време на преговорите со власта, во игра биле работничкот дом, објектот на МРТВ, како и други згради во државна сопственост, но, решение се уште нема.
Никола Цветкоски
