На два света во моментов сум, ми го земаа детето – со солзи во судница, таткото на Вања, индиректно посочи подготвен да си го одземе сопствениот живот. Постојано бил по седативи, а во затворот во Шутка му била вршена и тортура за да го признае делото за кое се товари.
- „Јас сум на два света во моментов. Едното дете се наоѓа тука, другото ми го земаа. Не ми е битно каде ќе ја дочекам оваа разрешница. Кога ќе се донесе одлуката ќе донесам лична одлука дали ќе се придружам на постарата ќерка“, рече Ѓорчевски.
Ирелевантна е екстрадицијата на Љупчо Палевски Палчо за да биде пуштен на слобода таткото на Вања, Александар Ѓорчевски. Адвокатот Владимир Туфегџиќ тврди дека Ѓорчевски без никакви аргументи, но и без докази за вмешаност во грабнувањето и убивањето на 14- годишното девојче се држи во Шутка. Според Туферџиќ, Ѓорчевски не познава никој од другите вмешани во киднапирањето и убиството на Вања, а одбраната тврди и дека екс републичкиот јавен обвинител Љубомир Јовески дал директна наредба вишиот јавен обвинител да пројави било каков интерес за овој предмет.
- „Кои се тие сведоци на кои може да влијае, ако се сослушани клучните шесте сведоци, кои биле со него во непосреден контакт, 24 часовен, во критичниот период. Јас ги предложив тие сведоци“, рече Туфегџиќ.
Обвинителката Тасевска се противи на тоа Ѓорчевски да биде ослободен од притвор. Според неа одлуката на Апелација е поради тоа што постои висок ризик тој да избега или да го повтори делото.
Љупчо Палевски-Палчо е осомничен дека бил планерот, организаторот и реализаторот на двете убиства. Велибор Манев, Боре Видевски и Влатко Кешишев се осомничени за киднапирање и убиство на двете жртви. Александар Ѓорчевски, татко на убиената Вања се сомничи дека му дал информации на Палчо поврзани со времето кога неговата ќерка ја напушта зградата и оди на училиште. Последниот осомничен е Стефан Димковски, кој Кривичен го пушти на слобода Стефан Димковски, возачот на Палчо од Белград до Беликесир, бидејќи, како што посочија за кривичното дело за кое се товари три месеци е максисмумот за продолжување на притворот. Малолетната Вања и велешанецот Панче беа пријавени за исчезнати на 27 и 24-ти ноември, а на 3-ти декември беа пронајдени мртви во близина на Скопје и Велес.
