Министерот за труд и социјална политика Ѓоко Велковски го презентираше оперативниот план за активни мерки за вработување, кои од 2007 континуирано секоја година со поддршка на УНПД, се носат во Македонија и истите се во полза пред се на оние лица кои што имаат потешкотии во пронаоѓање работа. На дискусијата збореа експерти по повеќе прашања како што се најновите регионални трендови за развој на иновативни модели за вработување и одржлива зелена агенда и дигитални процеси кај малите и средни претпријатија и кој е вистинскиот имапкт за развој на приватниот сектор. Велковски рече дека се повеќе млади луѓе си заминуваат затоа што државата не нуди можности за вработување и дека не само младите туку и повозрасните заминуваат во соседството и Европските земји каде имаат можност за повисоки плати и примања.
„Денеска сме на презентација на оперативниот план за активни мерки за вработување кои што од 2007 година континуирано секоја година со поддршка на УНПД се носат во Македонија и истите се во полза пред се на оние лица кои што имаат потешкотии при процесот на вработување во Македонија. Меѓутоа она прашање кое си го поставуваме сите и деновие како технички министер јас лично, во поглед на тоа што оние кои што треба реално да се вработат, немаат одредени можности или не им се нуди можнсот од страна на државата, а иако имаат можност тоа да го направат оние мерки активности кои ги презема самата држава во поглед на поддршка на компаниите кои што се во Македонија немаат можност со самите примања како такви да го надоместат она што реално луѓето и оние кои што сакаат да се вработат треба да го добијат како надоместок и поради истото се случува во Македонија многу млади луѓе заминуваат од државата поради подобар и поквалитетен работен статус да добијат, но не само млади луѓе, ако гледате статистички и многу повозрасни лица заминуваат од Македонија поради можноста за повисоки плати и примања и подобри мерки. Во другите соседни држави и Европа имаат подобар и поквалитетен начин на живеење“, рече Велковски.
