Во целост да се исплатат субвенциите за 2023 година. Дополнително, на сметката на оризопроизводителите да легнат 30% од овогодинешните субвенци, како и парите за зелената нафта. Оризот да се прогласи за стратешка култура и да се изготви нова производна цена. Ова се четирите барања кои Националната мрежа на земјоделци во понеделник ќе ги достави до Министерството за земјоделство и техничкиот премиер. Рок за одговор даваат една недела, во спротивно излегуваат на протести. Истовремено најавуват и граѓанска непослушност на престојните избори.
„Производната цената на оризовата арпа направена од Институтот за ориз изнесува 34денари. Откупот е 37-38денари во зависност од рандаманот , кој е катастрофален .Немаме сметка да го работеме , бидејќи работиме за 3 до 4денари“ изјави Тони Максимов од Националната мрежа на земјоделци.
Неколкупати овие барања оризопроизводителите ги доставуваа до ресорното министерство и претходните премиери, но досега никој не ги свати сериозно. Па поради ова беа приморани, тракторите наместо во нивите да ги паркираат на патиштата.
