Под параванот на европско знаменце се кратат платите на административците .Новиот закон за административни службеници кој е во собраниска процедура ќе им ги намали примањата за 2500 денари од март годинава , алармираат синдикатите. Проблемот е што се укинува минималецот од пресметката за плата, а Владата за ова донела одлука сама без притоа да разговара со синдикатот. Забелешките од ССМ наидоа на поддршка од пратеничката група на ВМРО- ДПМНЕ, која денес ги прими на средба но мнозинството во Собранието очигледно нема слух.
ВМРО – ДПМНЕ подготви 40-тина амандмани за пакетот закони од МИОА, од кои 21 се однесуваат на законот за административни службеници, меѓу кои и амандманот на ССМ, но мнозинството ги одбива. Според техничкиот заменик министер Стефан Андоновски законите немаат никаква поврзаност со европските критериуми. Тој своите забелешки не можел да ги каже во Владата, оти не бил повикан на седница
Министерот Азир Алиу како предлагач на законот пак не се согласува со ниедна забелешка. Тој тврди оти законите биле разгледувани со години, низ широка дискусија , тврди дека немало намалување на платите
Законот за административни службеници најверојатно ќе се гласа во пакет со останатите закони за регулирање на државната админситрација. Останатите три исто ќе се разгледуваат секој по два дена во комисијата за европски прашања пред да бидат испратени на финално гласање на Пленарна седница.
