Тенка е линијата за тоа, каде завршува партијата, а каде почнува институцијата и јавната служба кога станува збор за Демократската унија за интеграција. ДУИ очигледно тешко прави разлика. Тие, откако во 2001та година пукаа по македонските институции, сега ги користат како приватен имот. За прославување на родендени, дружби и спорт, а државните возила и гориво, за приватни патувања.
Последен пример беше вчершана прослава на партиското раководство во собранието, каде со пури и виски во рака, го прославија крунисувањето на двете децении владеење со технички премиер од нивите редови.
На интегративците очигледно им се погодија институциите за песни и прослави, па така, лидерот Ахмети реши да го прослави својот 65ти роденден со жива музика во министерството за политички систем и односи меѓу заедниците. Јавноста можеше да го види како пее во просторија толку полна со чад од цигари, што навидум, дури и видео снимката како да мирисаше на изгорен тутун.
Владиниот кабинет за специјалниот, така наречен – „прв вицепремиер“ Артан Груби, на неговите сопартијци им се погоди и за спортска рекреација. „Дрим тим. По еден долг и предизвикувачки ден, анти-стрес забава за одбележување на заедничкиот успех. Денес е голем ден!“ – пишуваше на фејсбук профилот на Груби.
На интегративците очигледно им се погодија и меките седишта во службените автомобили и шоферите платени од државата. Нивната долга историја на злоупотреба на државни возила во партиски и приватни цели повеќе пати ја докажаа пред јавноста. Државните возила кои си ги доделиле редовно се гледаат пред партиските штабови, на партиски митинзи, па и на журки, како онаа за годишнината од потпишувањето на рамковниот договор.
Никола Цветкоски
