За грам марихуана Норвежанка заврши 30 дена во Шутка, за кафанска тепачка одредена иста мерка, ама за бандата на Беким Незири нема докази за да заврши во притвор, Ваквата скандалозна одлука на заменик претседателот на судот, Пајазит Пајазити, ја шокираше правната фела која сведочи за небулозни притвори за дела за кои се предвидени помали казни, а во овој случај имаше само одземање на пасоши.
Честопати и без сослушување на осомничени во обвинителство, судијата на претходна постапка одредува притвор, но нема владеење на правото ако за едни судот е мајка, за други маќеа, коментира адвокатот Сашко Дуковски.
Покрај скандалозната одлука на Пајазити за притворите, уште поскандалозно е соопштението на Судот во кое е избришано дејствието за кое постои сомнение и докази дека бандата ја нарушила безбедноста на авиособраќајот на денот на нападот, забележува Дуковски. Според него, Кривичниот совет се дрзнал да оценува фактичка состојба и пишува дека нема докази за делото, а тоа е скандал над скандалите.
За дел од групата осомничени што е во бегство, не само што нема притвори, туку нема никакви мерки, ниту одземање на пасоши освен централени потерници. Останатите четворица периодов нема да патуваат, а Беким Незири може и да продолжи да оди на работи во македонска навигација.
Највисокото тело во правосудство за кое ниту министерот ниту меѓународната заедница им признава легитимност, излезе со штуро соопштение во кое речиси не кажува ништо.
Во врска со последните реакции на јавноста за случајот М-НАВ Судскиот совет ја известува јавноста дека судовите се независни во своето постапување и одлучување, а Судскиот совет во рамките на своите законски надлежности ја следи работата на судовите, стои во соопштението на Судски совет.
Откако судот одби притвори за групата на Незири и јавноста реагираше, Кривичниот суд си скоцка соопштение како што му одговара и си го оправда пуштањето дома на Беким Незири од ДУИ и на неговата банда кои направија упад во контролната кула. Според судот, ОЈО не доставило докази, но оттаму одговорија дека обвинителот ги дал на тацна.
Додека судот и обвинителството се кошкаат кој е во право, а кој не, останатите инстиртуции најавија целосна ревизија на менанџменотт во македонска навигација.
