Вчерашниот упад во контролната кула на скопскиот аеродрром е терористички чин. Оваа го посочил првиот синдикалец на македонската навигација Александар Тасевски кој беше во седиштето на ЕУ да информира за тупаниците што ги добија контролорите на летање.
Синдикатите на Европа и делегацијата на ЕУ во земјава им дадоа огромна поддршка на вработените во М-НАВ во борбата против вработувањето на непрофесионален и необразован кадар.
Доколку не се расчисти инцидентот, македонското небо ќе се затвори на 10 јануари,Тасевски најави генерален штрајк.
Додека јавноста е во шок поради вчерашните тупаници во кулата од каде се контролираат летовите на македонското небо, првиот човек на М-НАВ Фахрудин Хамиди го обвини синдикалецот Тасевски за борба за лични интереси, и рече на тупаниците им претходело кошкање како што имало во секоја фирма.
Упад на банда од осуммина и боксови врз контролорите додека давале координати на летовите што ја прелетуваат Македонија е вчерашното сценарио што се случи во кабината на вработените во Македонска навигација.
Вчера некаде околу 15 часот координаторот на огранокот на ДУИ во Чаир, Беким Незири преку социјалните мрежи му го честиташе роденденот на првиот интегративец Али Ахмети. Потоа, заедно со упште седуммина тргна да се пресмета со дел од колегите кои биле од албанска националност, а нему му изразиле непослушност.
Тој со години е висок функционер од ДУИ, а беше и министер за економија во претходната влада.
