Во Собранието денеска во рамки на 135. седница треба да продолжи расправата по Дополнетиот предлог буџет за 2024 година.
На првиот ден од расправата, што почна во петокот, министерот за финансии Фатмир Бесими истакна дека предложениот буџет ќе обезбеди одржлив економски раст, продолжување на фискалната консолидација и зацврстување на фискалната одржливост, таргетирана поддршка за ранливите категории граѓани и стопанството,
За пратениците од опозицијата, пак, буџетот е неприфатлив бидејќи, како што велат, е со највисок износ досега, базиран е на нереални проекции и е инфлаторен и предизборен.
Предлог-буџетот за следната година тежи 5,5 милијарди евра.
