И на +40 и на минус 10. Децата злоупотребувани за питачење научени се да работат 24 часа 7 дена во неделата.
Нивниот живот е во опасност, не само поради лошите временски услови во кои работат, туку и небезбедноста на самото место. Често претрчуваат пред автомобилите, трчајќи од еден до друг возач, со рачиња испружени кон прозорците. Другите заспани во рацете на ворасните, сонуваат за подобар живот.
Не плачат, не бараат за јадење. Ако им дадеш ќе јадат, ако не, е ни бараат – ми објасни една жена, можеби мајка на бебето кога ја прашав дека ја гледам секој ден и никогаш не сум видела бебето да плаче.
Со желба да им помогнеме на овие деца кои секојднево ги среќаваме на истото место, испративме мејл до Минстерството за труд и социјлана политика, со точна адреса. Ветија дека ќе испратат екипа. Но од екипата нема трага ни глас, а децата злоупотребувани за питачење се уште се секој ден на истото место.
Според податоците на МТСП, најмногу деца на улица се регистрирани на територијата на град Скопје. Вкупниот број на новоевидентирани „деца на улица“, изнесува 90 и работа со стари случаи 78 деца. Опомени се издадени за 22 родители, а во мал групен дом за деца се сместени 4 деца. Згрижени во Дневен центар за деца во ризик/деца на улица се 60 деца
Во Македонија според здружението Градиме иднина има 18 илјади деца на улица, а само во Скопјe за питачење се злоупотребуваат околу 250 деца.
