Реконструираниот Булевар „Гоце Делчев“ за кој беа потрошени фанатастични еден милион евра, во 2020 година година бил ставен во употреба без технички прием. Прилпечани, како возачите, така и пешаците, се’ до ден-денес користат Булевар без да се знае дали тој навистина ги исполнува критериумите за едно вакво исклучително фрекфентно сообраќајно решение во срцето на градот. Ова е нотирано во Извештајот на Државниот завод за ревизија, а кој актуелнота градска власт го добила деновиве.
„Во истиот тој Извештај е поместено дека неколку спорни точки треба да се земат во предвид и треба да се работи на нивно отстранување. Тоа е и техничкиот прием на Булеварот, кој што го нема, а беше клучен проект на претходната ЛС“, – посочува Дејан Проданоски, претседател на Совет на општина Прилеп.
Кој, зошто и како дозволил да се направи еден ваков сериозен незаконски пропуст, а чии последици можат само да се претпостават, вчудоневиденост предизвика и кај сегашната локална власт.
„Јас морам да постапам во консултација со правници. Но, ќе бидат преземени сите мерки за спроведување, прво на постапката да се анализира и ќе се сносат сигурно санкции или законски одговорности кои ќе се побараат од непостапување по евалуацијата на тој проект“, – кажа Борче Јовчески, градоначалник на Прилеп.
Реконструкцијата на Булеварот „Гоце Делчев“ во должина од 560 метри, беше еден од капиталните проекти на претходната локална власт. Официјалното пуштање го означи екс-премиерот Зоран Заев на 19 декември 2020 година кога не штедеше зборови за да го испофали проектот, нарекувајќи го Булеварот – „писта“ и „вековиште“.
„Денеска официјално го пуштаме во употреба Булеварот „Гоце Делчев“, како најмодерна градска сообраќајница со нов лик. Прилеп треба да се гордее со овој Булевар, современ Булевар, со пешачки и велосипедски патеки кој што прилепчани ги очекуваат долги години. Ова е вековиште, ова останува на сите други“, рече тогаш Зоран Заев, екс-премиер. (19.12.2020)
Инаку, неофицијално, во Прилеп, Булеварот не е единствен објект кој во тоа време бил ставен во употреба без технички прием. Постојат сомнежи и за одредени станбени згради, а чии сопственици, наводно, имале блиски врски со централната власт.
Каролина Дурло
