Училишните порти по се изгледа ќе останат затворени и по 1-ви септември, а учениците и студентите нема да се вратат школските клупи, велат дел од професорите за Алфа кои полека кројат планови како ќе изгледа виртуелната настава. Ако се суди по епидемиолошката слика од земјава, професорите велат ќе мора училницата да се пресели во домот.
– Во ек на пандемија, виртуелната настава се повеќе станува реалност, а потребата од функционално образование бара негова неопходна дигитализација. Една од образовните институции која најдобро се прилагоди на ситуацијата е Факултетот за информатички науки, вели за Алфа универзитетскиот професор на ФИНКИ, Анастас Мишев.
Нема да има оправдување ако во септември има неспремен образовен систем вели Мишев, кој смета дека до почетокот на учебната година има доволно време да се лоцираат главните проблеми.
Дека системот на онлајн учење потфрлил реагираат и граѓаните. Велат дека ништо не може да ја замени физичката настава на училиштата. Алфа праша родители, но и ученици за виртуелното учење, за што децата реагираат дека ќе биде тешко, а родителите дека тие вршеле голем дел од работата на учениците.
Претходно, се побунија и синдикатите оти власта правела стратегија за новата учебна година, без да ги чуе и нивните размислувања. велат, образованието мора да биде квалитетно, без оглед на панедимијата.
Од Министерството за образование велат правеле стратегија за електронско учење. Како опции остануваат и воведување повеќе смени, помалку деца во училница ако паднемија попушти.
Родителите со месеци критикуваа дека децата потешкиот наставен материјал можат да го совладаат директно од наставниците. Голем дел на ученици од руралните средини немаа ни компјутери а камо ли интернет, за да следат виртуелна настава.
Борис Грујоски
