Земјотресите во Албанија не стивнуваат,тлото веќе втор ден не мирува,постојано се чувствуваат серија потреси кои ги вознемируваат граѓаните.
Оние кои останаа без покрив над глава немо гледаат во рушевините од нивните домови, a мал е бројот на жителите кои по разорнот земјотрес се осудуваат да влезат дома.
Луѓето преплашени,излегуваат надвор од своите куќи. Граѓаните посебно оние кои не можат да се носат со вознемиреноста заминуваат во за нив најблиската дестинација-Македонија.
Во хотелите на охридско-струшката ривера од рано утринава се сместени десеттината семејства,а нивниот број постојано расте.
Добивме неколку резервации преку букинг, преку наши партнери за албански фамилии кои што имаат престој 4 до 5 дена во хотелов.Што е прилично невообичаено за месец ноември,бидејќи сега се секогаш пократки престои, изјави Ана Јанчева-хотелиер.
Албанските фамилии бараат засолниште во Македонија, вели Јанчева, за да им излеземе во пресрет изготвивме пакет аранжмани по прикладни цени.
Секако,веќе и се направени попристапни пакети и цените се намалени,баш за да им излеземе во пресрет и на повеќе фамилии кои што можеби финасиски не можат да си ги дозволат повисоките цени, додаде таа.
Претседателот на Хотам, Крсте Блажески кажа дека сите хотели на охридско-струшката ривиера за албанските граѓани нудат полупанскиотски пакет аранжмани од 20 евра. И на граничниот премин Ќафасан денеска има зголемена фреквенција на комбиња и возила од Албанија за влез во нашата земја.
Росица Голабоска
