Модернизацијата на аеродромите и воведувањето на новите директни авио линии придонесоа за раст на бројот на туристите во земјава. Проекциите за еден милион туристи до крајот на годината, беше надминат уште во септември. Ова го потврди Државниот завод за статистика кој изброи дека во првите девет месеци годинава споредено со истиот период лани, бројот на туристи е поголем за три проценти, додека пак бројот на ноќевања на странците е зголемен за 4 проценти.
„Нашата амбиција беше на почетокот од годината да имаме милион туристи и три милиони преноќувања. Ние веќе сме, заклучно со септември на повеќе од милион и сто илјади туристи и скоро три милиони ноќевања, што значи дека ќе идеме над тоа што сме го превдиделе за цел. ПСоредено со третиот квартал лани имаме за 35.000 туристи повеќе и за сто илјади ноќевања повеќе што е добро, тоа е повеќе од шест проценти раст и по еднаста и по другата основа“, вели Премиерот Христијиан Мицкоски.
Она што било зацртано да се исполни во 2030 година за бројот на патници, се исполнило четири години порано, вели Вицепремиерот и министер за транспорт Александар Николоски. Ова е уште поголем мотив за надлежните да продолжат да работат на стратегијата за привлекување на странски туристи. Николоски, дополнително најави и нови чартер летови кои би слетувале на охридскиот аеродром .
„Она што е мое очекување и сме многу блиску е едни големи чартер тури кои што почнуваат да се прават во државата кои што би значеле најмалку два авиони дневно со туристи надвор од сезоната во период од октомври до мај, да го потврдиме во следнава годинава и тоа да е додадена вредност на охридскиот аердором. Во однос на скопскиот исто така рушиме рекорди, очекувам само скопскиот аеродром да помине 3 милиони и 600 илјади патници и ако имаме малку среќа, очекувам до крајот на годината да имаме една убава церемнонија за четири милиони патници на двата аердодроми“, додаде Николоски.
А, за досегашниот раст на бројот на посетители во земјава придонесоа и директните линии до охридскиот аердром од полските градови Вроцлав и Катовице, а некој месец порано Охридскиот аеродром беше директно поврзан и со нова Линија до Милано, До Скопскиот аеродром од месец март во функција беа линиите Неапол и Будимпешта, а се воведоа малку подоцна и дректни летови до Палермо и Алегро до Италија и Трабзон и Самсун во Турција. За следната година дговорено е враќање и на летовите кон ОАЕ, а се отвора и директна линија до Тиват, кој ќе биде поврзан со линијата Скопје – Подгорица и обратно.
