„Рана акција за дијабетес“ е мотото, под кое денеска ќе се одржи прес-конференција во Клиниката за ендокринологија во Скопје, по повод 14 Ноември – Светскиот ден на дијабетесот.
На прес-конференцијата е најавено присуство и на министерот за здравство Сашо Клековски.
Целт е подигање на свеста кај здравствениот систем на сите нивоа за потребата од превенција и рана дијагноза на дијабетесот.
Во Македонија се регистрирани 141.891 лице со дијабетес мелитус, од кои 78.663 се жени, а 63.228 мажи, покажуваат податоците од Националниот регистар за дијабетес за 2025 година на Институтот за јавно здравје. Дури 95,09 проценти од регистрираните случаи се со дијабетес тип 2.“
Речиси 589 милиони возрасни лица на возраст од 20 до 79 години во светот живеат со дијабетес, што претставува 11,1 отсто од населението во оваа возрасна група, покажуваат најновите процени на Меѓународната федерација за дијабетес. Загрижувачки е податокот дека околу 252 милиони лица, односно 43 проценти од заболените, не знаат дека ја имаат болеста. Според проекциите, до 2050 година бројот на заболени би можел да достигне 852,5 милиони.“
Дијабетес мелитусот е хронична метаболна болест со глобална распространетост која, според податоците на Меѓународната федерација за дијабетес.
Болеста е една од водечките причини за слепило, терминална бубрежна болест, нетрауматски ампутации и смртност од кардиоваскуларни заболувања, како во развиените така и во земјите во развој.
