55 илјади граѓани за само една недела се пријавиле за вкацинирање против сезонски грип . Од пријавените најголем дел, или над 60 проценти се хронично болни. Имунизацијата официјално започна, а први на листите се ризичните групи – граѓаните со хронични заболувања, бремените жени, здравствените работници и луѓето над 65 години. Министерот за здравство со сопствен пример испрати порака дека вацкината е најважната превенција од грипот. Министерот Клековски ги повика и здравствените работници да се имунизираат во што поголем број.
-Денеска се вакцинира. Се пријавив за вакцината за сезоснки грип како хронично болен и сакав на овој начин да ја промовирам и потребата од вакцинација. Нема подобар начин да се заштитите од сезонски грип ако сте над 65 години, имате хронични болести сте трудница иили мало дете, за тоа родителите одлучуваат и истовремено да го означам почетокот на вакцинацијата за сезонски грип–истакна министерот Клековски
И пулмолозите со апел до граѓаните особено до ризичните групи да се вакцинираат навремено се со цел да се избегнат компликации од вирусот.
-Многу е битно пациентите што имаат респираторни хронични заболувања да се вакцинираат бидејќи имаме страшни гужви декември и јануар. Пацинетите мора да си го заштитат своето здравје, за жал тогаш се качува бројката на смртни случаи. Сево ова може да го избегнеме со вакцинирањето–апелира дирекорот на Институтот за ТБЦ Димитар Кекиновски
Во првите неколку часа од стартот на вакцинацијата веќе неколку стотици граѓани ја примија вакцината. Надлежните велат дека сезоната на грипот уште не е започната бидејќи во изминатата недела имало само 65 сомнителни случаи на грип а само двајца потврдени и тоа од типот А. Интензивно се одвива и известувањето на граѓаните. Се очекува во наредните денови вакцини да примат над 1000 граѓани. Во моментов на располагање се 50 илјади дози на јужнокорејски тривалентни вакцини а следната пратка од 26 илјади дози се очекува да пристигнат до 15 ноември.
