Универзитетскиот професор Венко Андоновски, од областа на културата и уметноста, лингвистот проф. д-р Димитар Пандев, универзитетската професорка Ѓулумер Касапи и д-р Владо Поповски, од областа на образованието и науката, се годинешните добитници на државната награда „11 Октомври“.
„Ако борците од 1941 година ги поставиле темелите на нашата слобода, тогаш научниците, писателите, уметниците и просветните работници се оние кои на тие темели го граделе духовниот и интелектуалниот дом на нашата држава. Секој од денешните добитници на државната награда „11 Октомври“ остава придонес и траен белег за нашата култура, образование и наука“, истакна Светозар Антовиќ, претседателот на Одборот за доделување на наградата.
Професорот Венко Андоновски се заблагодари во името на сите добитници.
