Скопје се поврзува авионски со Подгорица и добива уште една авиолинија. Ова било договорено при денешната посета на Црна Гора на Вицепремиерот и министер за транспорт и врски Алексанар Николоски со Премиерот Милојко Спајиќ и министерот за транспорт Радош Зечевиќ. Новата авиолија меѓу Македонија и Црна Гора треба да донесе уште поголем развој на туризмот, но и на бизнисот.
-Во многу кратко време да се потпише договор кој што ќе значи директен лет помеѓу Скопје и Подгорица со што ќе имаме уште ден главен град со кој што сме поврзани. Тоа многу ќе помогне за развој на туризмот, но исто така и за развој на бизнисот и конекцијата помеѓу двете држави. Аеродромите и во Скопје и во Подгорица растат и ова добар начин да продолжиме да соработуваме и да продолжат да растат и двата аеродроми–вели вицепремиерот и министер за транспорт Александар Николоски.
Договорено е поврзување на пристаништето Бар преку изгрaдба на автопатот Скопје-Блаце.
– Разговаравме за поврзувањето. Веќе почнавме да го градиме автопатот Скопје–Блаце, кој што значи отворање на Македонија кон трето пристаниште – тоа е отворање кон пристаништето Бар, покрај пристаништето Солун кон кое што имаме и автопатска и железничка конекција и покрај пристаништето Драч, каде што во моментовградиме и автопатска и железничка конекција. Исто така, со изградбата на автопатот од Скопје до Блаце зборуваме и за поврзување со пристаништето Бар –вели вицепремиерот и министер за транспорт Александар Николоски.
На средбите се разговарало и за заеднички настап пред европските фондови и пред европските банки во делот на финансирањето, пред сè во делот на интелигентни транспортни системи и поврзување на коридорите.
Инаку воведувањето на новите авиолонии и владините политики, даваат конкретни резултати. Бројките се импресивни. Пред неколку дена беше објавено дека само за првите девет месеци годинава имало три милиони и триста илјади патници.
Следна дестинација со која ќе се поврзе Макеоднија со директен авиолет се очекува да биде е Дубаи. Од Аеродромот во Скопје се лета за Париз, Барселона, Лион, Амстердам, Љубљана, Мадрид, Стокхолм, Келн, Бари, Прага, Ларнака, Неапол, Будимпешта, Алгеро и Палермо. А Охрид се поврзува со Истанбул, Базел, Ларнака, Мадрид, Штутгарт, Бари, Стокхолм, Катовице, Вроцлав, Милано, Братислава и Виена.
