Македонија има многу повеќе туристи од статистичките бројки кои се објавуваат бидејќи досега немаше никаква контрола на сместувачките капаците преку букинг и ер-би-ен-би. Годишно на македонските аеродроми транзитираат околу 4 милиони туристи, а според последната статистика, во земјава последните 7 месеци имало дури 750 илјади туристи. Управата за јавни приходи спровела контроли, но и кампања за сопствениците на сместувачките капацитети, да ги пријавуваат туристите и да плаќаат данок и туристичка такса. Токму поради тоа, претседателот на туристичко угостителската комора вели дека за реални бројки треба да почекаме до крајот година. Според неговата претпоставка, оваа година иако е многу потешка поради војните во светот и енергетската криза, сепак ќе биде поуспешна од лани.
„Ќе имаме поголем број на туристи бидејќи се евидентиратоа, луѓето не ги пријавуваа и немаше контрола слободно не пријавува, сега се стиснати и мора да плаќаат туристичка такса, данок на имот и на работата што ја вршат“, вели Аркан Керим претседател на Туристичко угостителска комора
Македонија има природни убавини, сместувачки капацитети, се работи и на инфраструктурата и се воведуваат нови летови, но според претседателот на комората, за да привлечеме повеќе туристи граѓаните мора да ја сменат перцепцијата. Да не фрлаат ѓубре и да се организираат што повеќе позитивни настани како што беше прославата за независноста.
„Да се смени перципцијата на луѓето да не фрлаат ѓубре каде сакаат, како онаа жена што ја фатија како фрла ѓубре, значи треба да се смени перципцијата за да имаме чиста држава и да привлечеме туристи. Скопје го наполнивме викендов немаше празне место нигде. не само Скопје, се наполни и Велес, Куманово, Тетово, немаше место каде да се сместат гостите“, вели Вели Аркан Керим претседател на Туристичко угостителска комора.
Меѓу странските туристи во Македонија и натаму доминираат гостите од Турција, потоа Германија, Србија, Романија и Албанија.
Инаку Скопје наскоро се поврзува со Дубаи. Од март следната година со авиокомпанијата „Флајдубаи“ туристите диектно ќе патуваат до Емиратите. Истовремено се преговара и за директен лет од Охрид до Абу Даби или Шарџа.
Македонија во изминативе две години значително ја прошири авио мрежата. Воведени се повеќе од 28 нови авиолинии од скопскиот и охридскиот аеродром, со што граѓаните добија директни врски до повеќе европски дестинации.
Според експертите ова е значаен чекор за развој на туризмот, што ќе донесе повеќе туристи, но и поголема заработка за хотелите, рестораните, туристичките агенции и локалниот бизнис.
Според Државниот завод за статистика во првите седум месеци од годинава има за 1,5 отсто повеќе туристи во споредба со истиот период лани. Растот е забележан и кај странските гости, чиј број е зголемен за 1,3 отсто.
