Наплатиле 283 илјади евра за железнички пруги, но не испорачале ни пруги, ниту пак ги вратиле парите. Финансиската полиција поднесе кривична пријава против пет лица и две фирми поради сомнение за измама, перење пари и даночно затајување.
Според пријавата, во 2022 година скопски бизнисмен од словенечка компанија наплатил аванс за железнички пруги, но не ја испорачал договорената стока. Штетата е проценета на 17,4 милиони денари. Финансиската полиција се сомничи дека дел од парите потоа биле префрлени преку фиктивна фактура за купување други производи, а средствата биле префрлени на други сметки, претворани во девизи, подигнувани во готово и дел искористени за купување возило.
