Министерот за односи меѓу заедниците Агон Ферати остварил средба со амбасадорот на Австрија во државава, Мартин Памер, на која главни теми биле европската интеграција на земјата и значењето на децентрализацијата за зајакнување на локалните институции.
На средбата била истакната поддршката од Австрија за европскиот пат на Северна Македонија, како и потребата од продолжување на реформските процеси.
-На средбата се разговараше и за значењето на градењето доверба во едно мултиетничко и мултиконфесионално општество. Амбасадорот Памер го оцени позитивно организирањето на настанот по повод 25-годишнината од Охридскиот рамковен договор, истакнувајќи го неговото значење за соживотот и општествената кохезија, се наведува во соопштението од Министерството за односи меѓу заедниците.
Соговорниците разговарале и за можностите за зајакнување на соработката преку проекти на невладините организации од двете земји. при што било оценето дека соработката во оваа област може да придонесе за зајакнување на демократијата, вклучување на младите, градење доверба и развој на етничките заедници.
