Општина Македонска Каменица распиша јавна набавка за изградба на атмосферска канализација на улица „Македонска“, со проценета вредност од 3 милиони денари.
Со реализацијата на проектот ќе се решава проблемот со одведувањето на атмосферските води, а по завршувањето на овие активности е планирана реконструкција и асфалтирање на улицата.
Градоначалничката на Општина Македонска Каменица, Соња Стаменковска, посочува дека активностите ќе се реализираат по утврден редослед – најпрво решавање на подземната инфраструктура, а потоа целосно уредување на коловозот.
-Работите ги планираме по правилен редослед – најпрво подземната инфраструктура, а потоа целосно уредување на коловозот“, наведува Стаменковска.
Таа додава дека Општина Македонска Каменица продолжува со реализација на инфраструктурни проекти согласно потребите на граѓаните и приоритетите на општината.
Со изградбата на атмосферската канализација, а потоа и реконструкцијата и асфалтирањето на улицата, се очекува да се подобрат условите за живеење и сообраќајната инфраструктура за жителите на улица „Македонска“.
