Во Командата за обука и доктрини при касарната „Алексо Демниевски-Бауман“ во Велес во салата на Војничкиот клуб денеска свечено беа одбележани 34 години од формирањето на македонската Армија. Пред бројните присутни гости и армиски претставници и поранешни команданти, Денот на Армијата – 18 август од свечената говорница им го честита полковник Дарко Стојкоски, заменик командант на Командата за обука и доктрини (КОД).
Тој потсети дека 18 август е прогласен за Ден на Армијата со одлука на Владата од 3 јуни 1993 година како датум со длабоко историско значење. Токму на 18 август 1943 година на Славеј Планина со наредба на Штабот на Втората оперативна зона бил формиран баталјонот „Мирче Ацев“ како прва регуларна воена единица на народноослободителната војска.
Заменик командантот полковник Стојкоски, потсети дека на 27 март 2020 година Република Македонија стана 30-та полноправна членка на НАТО,дел од најмоќниот политичко-воен сојуз во светот,заснован врз принципите на солидарност, заедничка одговорност и колективна одбрана.
– Во тој развоен пат Командата за обука и доктрини има свое значајно и препознатливо место. Нашиот придонес се препознава во обученоста и подготвеноста на секој војник,подофоцер и офицер кој поминал низ системот на институционална обука. Преку обуката и подготовката на идните офицери и подофицери, индивидуалната обука на војниците, развојот на доктрините, правилата и упатствата,изучувањето на англискиот јазик, развојот на системот на научени лекции, користењето на современи симулациски системи, поддршката и реализацијата на различни форми на обука и вежбу, активностите на Армискиот полигон „Криволак“, развијот на резрвната компонента,како и обуката и одгледување службени кучиња, КОД системски придонесува кон создавање на капацитети и јакнење на оперативните способности на Армијата, појасни полковник Стојковски.
Додаде дека обуката е темелот на подготвеноста, а знаењето е една од најсилните способности што може да ги поседува една Армија.
-Тоа е мисијата на КОД и тоа е нашиот придонес кон борбената готовност на Армијата, потецира заменик командантот полковник Стојкоски.
На свеченоста на старешини, припадници на Армијата како и цивилни лица во служба на Армијата по повод 18 август – Денот на Армијата, им беа доделени наградни отсуства парични награди како и златни, сребрени и бронзени значки за повеќегодишен придонес на служба и унапредување на Армијаа.
