Малопродажните цени на бензините „евросупер БС-95“ и „евросупер БС-98“ од полноќ се зголемуваат за 4,50 денари, на „евродизелот (Д-Е V)“ за 6,50, а на екстра-лесното масло за домаќинство (ЕЛ-1) за 6,00 денари за литар – соопшти Регулаторната комисија за енергетика.
Литар „евросупер БС-95“ ќе чини 91,50 денар, „евросупер БС-98“ ќе се продава за 93,50, „евродизел БС (Д-Е V)“ за 98,00, а екстра-лесното 1 (ЕЛ-1) за 98,50 денари.
За 0,188 денари поскапува и „мазутот М-1 НС“ и еден килограм ќе чини 43,726 денари.
Во денешната одлука на Регулаторната комисија е продолжена примената на намален износ на акцизата од 2,00 ден./л кај бензините „евросупер БС-95“ и „евросупер БС-98“ и намален износ на акцизата од 4,00 ден./л кај „евродизелот (Д-Е V)“.
