СДСМ денес одржа цела прес-конференција за да докаже нешто што можеше да го докаже за 30 секунди. Вчера ги повикавме да ја објават снимката на која министерот Муцунски вели дека се водат разговори „под радарот“, се наведува во соопштението на ВМРО-ДПМНЕ.
Денес излегоа пред камерите.
Покажаа медиумски наслови.
Кажаа многу зборови.
Само едно нешто повторно не покажаа: снимката.
Затоа уште еднаш, сосема едноставно:
СДСМ, најдете ја и објавете ја изјавата на Муцунски во која тој ги изговара зборовите „разговори под радарот“.
Не наслов.
Не интерпретација.
Изјавата.
Додека ја бараат, можеби ќе сфатат зошто сериозна политичка партија прво ги проверува фактите, па потоа свикува прес-конференции.
