СДСМ и актуелното раководство никако да почнат барем малку да личат како сериозна опозиција. Претседателот на СДСМ, Венко Филипче е заедно на Егејот со својот другар Зоран Заев, но влијае на оние кои ги остави тука, односно им дава насоки за ширење на дезинформации, истакна пратеникот на ВМРО-ДПМНЕ, Бране Петрушевски на прес-конференција.
Овој пат дезинформациите и лагите се од огромни размери, односно создадоа паника кај граѓаните на Скопје. Со последната лага дека водата во Скопје е небезбедна, Филипче и актуелното раководство на СДСМ си поиграа дури и со здравјето на граѓаните.
Надлежните институции веднаш реагираа, ја демантираа веста со факти, а Министерството за внатрешни работи започна истрага кој е креаторот на хаосот и паниката. Институциите се на потег за расчистување на случајот.
За разлика од актуелната власт предводена од ВМРО-ДПМНЕ која се грижи за граѓаните од секој аспект, СДСМ на Заев и Филипче очигледно е дека прават само штети.
Ширењето на лаги и крерање на атмосфера на паника и хаос, како и одење на ексклузивни одмори се единствена работа која Филипче и актуелното раководство знаат да ја прават и тоа е нивна специјалност.
Филипче и СДСМ треба да прекинат со лагите кои во овој случај се и крајно сериозни. Час поскоро Филипче и СДСМ треба да сфатат дека овие нивни обиди за лаги и ширење паника им нанесуваат штета само на нив.
