До сега очекувавме и видовме се од талогот на СДСM, но ова веќе ги преминува сите граници. Вакви пораки на социјалните мрежи биле праќани од страна на активисти на СДСM кон граѓаните. СДСM го допре дното и со умисла создава паника и хистерија за тоа дека водата во Скопје не била безбедна за пиење, додека вистината е сосема спротивна, се посочува во соопштението на ВМРО-ДПМНЕ од денешната прес-конференција на Бране Петрушевски, пратеник на ВМРО-ДПМНЕ,.
Ова е смислено сценарио поради финансиско профитерство на фирми блиски до СДСM кои работат со продажба на флаширана вода, намерно во договор со структури на СДSM создаваат паника и хаос помеѓу граѓаните во Скопје, за да тие заработат денар повеќе, а СДСM политички поени.
Граѓаните на главниот град пијат чиста и безбедна вода за пиење, а Филипче од Грција на гости кај Заев каде ги поминува годишните одмори, дал насока до неговите пајташи од СДСM да создаваат недоверба кај граѓаните за безбедноста на водата.
До каде дојде некогаш големата СДСM? Дојде до талогот, до дното.
Наместо да се извинат за Гостивар, но и за сите други населени места во кои изминатите години додека тие беа на власт, поради Филипче и СДСM, граѓаните конзумирале небезбедна вода за пиење, а тогашните власти не ги известувале преку институциите, денес одат чекор повеќе и прават хаос во општеството затоа што не знаат како да дојдат до медиумско и граѓанско влијание.
Ова веќе ја помина секоја граница.
Го повикуваме МВР да ги најде поединците кои по насока на СДСM шират дезинформации за водата во Скопје. Го повикуваме и ЈО да се разбуди од длабокиот сон и да почни да работи. Одговорност за тоа што граѓаните се труеле со години, а не дознавале, како и за ширење на лаги и манипулации како оваа денес во Скопје, мора да има.
