“Демократијата треба одново да се раѓа во секоја генерација, а образованието е нејзина бабица.” Овие зборови ги кажал познатиот филозоф Џон Девеј и тие можеби најдобро зборуваат за важноста на Еразмус+ младинската размена “Democracy in motion” која се одржа во месец јуни во прекрасниот романски град Крајова
На оваа размдна учество Македонија ја претставуваа шест млади ентузијасти: Мила, Илија, Ангела, Дарија, Симона и Даки кои во овој проект зедоа учество желни за што повеќе знаења и вештини за тоа како утре да бидат проактивни граѓани во нивната заедница и преку својот активизам да направат демократски промени значајни за нив како млади луѓе.
На размената младите имаа можност да научат за работата на ЕУ институциите, но и за методи како да бидат активни граѓани, додека преку многуте дебати, симулации и играње на улоги имаа унилатна можност активно да практикуваат демократија, а преку посетите на градскиот совет на Крајова и националниот парламент на Р. Романија добија ретка можност одблиску да се запознаат со работата на народните избраници и директно да им постават прашања кои ги засегаат нив како млади.
Ни мултикултутниот аспект не беше изоставен. Преку интеркултурните вечери на сите држави учеснички, младите имаа можност одблиску да се запознаат со културата и традициите на другите држави.
По седум дена исполнети со учење, тимска работа, практикување демократија, забава и дружба завесата на оваа среќна приказна се спушти со желба, надеж и ветувања за идна плодна – меѓусебна соработка и активизам во создавањето на промени значајни за сите млади ширум Европа.
