Радост и среќа за повеќе од 400 деца со посебни потреби и деца без родители во забавниот парк „Зимзоленд“ во Аеродром. Невладините и министерството за социјална политика организираа предновогодишна забава за дечињата. Дедо Мраз им подели пакетчиња на сите, а возењето на вртелешките за нив беше вистинско уживање.
Заменик министерот за демографија и млади Ѓоко Велковски, рече дека вакви настани дека треба да има почесто. Со него беа и дел од скопските градоначалници, кои заедно со Дедо Мраз исто така им поделија пакетчиња на дечињата.
„Денеска над 400 дечиња со посебни потреби, бидат токму дел од еден ваков прекрасен настан, каде што доделивме пакетчиња, а секако и желбата на овие дечиња се возат на реквизитите позади нас, нели е огромна и ја имаат таа можност денеска“, рече Ѓоко Велковски, заменик министер за социјална политика, демографија и млади.
„Имавме сите можност да видиме премногу среќни дечиња кои што уживаат во денешната забава организирана од страна на организаторите и се надеваме дека и во иднина вакви настани ќе придонесуваат за повеќе насмевка кај дечињата“, рече Дејан Митевски, градоначалникот на Аеродром.
Зимзоленд е радост за сите Скопјани, а ќе биде отворен до 19 јануари.
Љубиша Владимиров
